"Rusiya uzunmüddətli sanksiyalardan qorxmur" - Peskov
"Rusiya uzunmüddətli sanksiyalardan qorxmur" - Peskov
Rusiya uzunmüddətli sanksiyalardan qorxmur, çünki ölkə onlara çoxdan uyğunlaşıb.
Xəbər verilir ki, bunu Rusiya prezidentinin mətbuat katibi Dmitri Peskov jurnalistlərə açıqlamasında deyib.
"Rusiya kifayət qədər uzun müddətdir, onilliklərdir ki, sanksiya rejimində yaşayır və buna görə də biz buna kifayət qədər uyğunlaşmışıq. Ona görə də, beş il və sair kimi zaman üfüqləri, əlbəttə ki, bizi qətiyyən qorxutmur" - Peskov qeyd edib.
Kremlin rəsmi nümayəndəsi bildirib ki, həqiqətən də Rusiya Federasiyasına qarşı yeni sanksiyalar paketləri hazırlanır, Qərbin Rusiya iqtisadiyyatını cilovlamaq cəhdlərinin davam edəcəyini asanlıqla proqnozlaşdırmaq olar. Bununla belə, Rusiya ölkənin inkişafına imkan verən güclü tədbirlər görür.
Qeyd edək ki, Ukraynada hərbi əməliyyatlar dayandırılsa belə, Rusiyada sanksiyalar ən azı daha 5-10 il davam edəcək.
Azadsoz.com
